Bacchus (Closed)

我地係聖誕黎食嘅，所以必須惠顧聖誕set。整體感覺係，食物還好但未到超好食，不過服務係非常好嘅，環境亦好靚。不過值唔值呢個價錢呢？見仁見智了。我地叫左前菜柚子帶子沙律同松露牛肉，松露蘑菇湯，主菜豬扒同燒黃雞，甜品芝士蛋糕。野飲唔比叫 cheap cheap 檸茶，唯有叫左果茶😂。柚子帶子沙律係幾fresh嘅，幾好食，不過份量就少得可憐（之後全部野食都係）。松露牛肉就還好啦，唔覺得特別好食。松露蘑菇湯方面，職員特意細心地向我地先講解左係清燉嘅方法處理湯汁，所以唔膩嘅。而我飲落的確係似似地中式個種湯咁。不過我就覺得唔濃味，唔好飲囉。。。主菜方面，豬扒係燒到有肉汁嘅，味道不錯。加上旁邊嘅配菜紫洋蔥一齊食，幾好食嘅。但雞我就認為冇乜味道，都幾普通下。而且2碟主菜都係一樣汁一樣配菜，一樣得2舊雞/豬，欠缺誠意。芝士蛋糕不過不失，冇乜特別驚喜。果茶冇乜味道，不值一提。整體感覺就係，食物質素比不上價錢。黎到大部分錢只係食服務食環境囉。