Video
Read full review
2013-04-30
25 views
近日朋友圈講起一寿司在銅鑼灣廣場開左以放題形式營業，名為一寿司料理，上網睇左價錢又唔貴所以都要去試一試先！可以 book 位之餘又冇限時段，只係有兩小時的時限，咁又真係彈性好多，想約朋友幾點都得。雖然唔係 weekend 去但門口都有好多人等緊位，訂左枱都要排隊等攞枱同帶你入去，好似真係好旺咁喎……入面其實都幾大，分左兩邊，但都座無虛席，見到枱枱都放得滿滿的刺身及其他食物，我哋都急不及待地要點嘢食，成場個氣氛好熱鬧，有個位我覺得好好笑就係佢放左好多個氣水櫃出黎，好似7-11買嘢飲咁，原來係自助飲品櫃，連茶水都係自助，重有個 Yogurt bar 都好吸引，自已轉雪糕又有啲去左遊樂場玩咁，好想出去玩吓！ 點菜方面都係用紙仔落單，一坐落好快就黎左個刺身併盤，不太多的份量就正好比我哋試一試啲刺身質素，食落都好新鮮肥美，厚薄切得啱啱好，我個人最欣賞就係個油金魚同埋白玉豚，肉質鮮嫩彈牙的油金魚真係我的至愛，甜美又醇厚的魚香帶住絲絲質感及凍凍哋的溫度放入口中，真係食到停唔到！另外一個重點 order 就係白肉豚，唔係間間放題都有的白肉豚比起傳統吞拿魚响肉質上比較結實啲，味道亦較清一啲，加上佢雪白的
雖然唔係 weekend 去但門口都有好多人等緊位，訂左枱都要排隊等攞枱同帶你入去，好似真係好旺咁喎……入面其實都幾大，分左兩邊，但都座無虛席，見到枱枱都放得滿滿的刺身及其他食物，我哋都急不及待地要點嘢食，成場個氣氛好熱鬧，有個位我覺得好好笑就係佢放左好多個氣水櫃出黎，好似7-11買嘢飲咁，原來係自助飲品櫃，連茶水都係自助，重有個 Yogurt bar 都好吸引，自已轉雪糕又有啲去左遊樂場玩咁，好想出去玩吓！
點菜方面都係用紙仔落單，一坐落好快就黎左個刺身併盤，不太多的份量就正好比我哋試一試啲刺身質素，食落都好新鮮肥美，厚薄切得啱啱好，我個人最欣賞就係個油金魚同埋白玉豚，肉質鮮嫩彈牙的油金魚真係我的至愛，甜美又醇厚的魚香帶住絲絲質感及凍凍哋的溫度放入口中，真係食到停唔到！另外一個重點 order 就係白肉豚，唔係間間放題都有的白肉豚比起傳統吞拿魚响肉質上比較結實啲，味道亦較清一啲，加上佢雪白的外表真係好靚好想食。順道一提係我哋 order 的每盤刺身都砌得好靚同埋有不同的顏色襯托，在觀感上亦令大家睇落都開心，就好似每次黎的時候都會期待一下會砌成點樣呢？嘻嘻！
食完刺身就要點番啲清清哋沙律中和下，手造豆腐沙律同蘆薈蟹籽沙律都係不二之選，枝豆、螺肉、中華沙律、帶子裙邊同芝麻八爪魚又係放題必叫，其他的唔洗多講都係嗰啲味道，但個手造豆腐沙律啲豆腐入口有好濃郁的豆味散發出黎，加埋個日式芝麻醬同野菜就真係好 green! 呢個亦係必食之選！寿司我哋都點左一啲，但就想不到同平時去一寿司食的水準一樣，一啲都唔係求其整出黎，唯一不同的就係舊飯好似細啲，咁就正合我哋喇，可以食多幾件，所以都忍唔住要再 order 一次卷物添！
差啲忘記左個燒物添，基本上全部都幾好味，店員拎黎時都係好熱辣辣的，完全沒有一早燒好等你 order 的感覺，真正感覺到係即叫即燒，當中尤以鹽燒雞軟骨、牛舌、秋刀魚及燒菠蘿我最喜愛，全部燒物的火喉啱啱好，咬落重有肉汁的 juicy 感覺，不太咸不太淡，鹽的份量調得啱啱好，秋刀魚的肉質一啲都唔硬又唔腥，基本上我哋都無需要用伴上的檸檬。加上個燒菠蘿好香好甜又多汁，又一中和燒物的熱氣及油膩，再加上個 Yogurt 同一杯烏龍茶作為今晚的結尾。
下次可以再約多啲人一齊黎，咁就可以食多款啲食物！Post
