割烹 櫓杏 (iSQUARE國際廣場)

Open Now

Now Closed

是日中午與兩位友人去食午飯。我哋OpenRice 訂12:00。其中友人A 先到，未安排入座就已經話要1點交枱。因為另一友人B未到，某女侍應（非日本人）就催促我同友人A 要先落單，聲稱某啲食物，例如魚鮫需時處理。 落單時，該侍應介紹話如果like 社交平台 ,平嗰個餐就有半價，並「命令」我哋其中一個即時follow 社交平台 。然後，都未夠一點，該侍應已經話last order問我哋有冇嘢加。我出去廁所期間見餐廳都唔係full house 門口亦冇客。用膳後，我哋繼續吹水飲啤酒，到差不多1點半，友人B 杯啤酒都未飲完，侍應就來叫我哋走，轉頭仲拎埋張單來叫我哋埋單。走嘅時候，間餐廳都仍然未full house 同冇人等位。點解要咁趕客？佢啲食物係ok 唔錯環境亦舒適，但實在令人好唔enjoy。咁樣好難再幫襯囉！