韓牛韓式燒烤 (Closed)

韓燒放題愈開愈多，價錢需平，但有質素既唔多，呢間平靚正選擇多，環境乾淨舒服，所以都帶不同朋友來食過幾次~今次質素依然keep到~淹好既生肉，海鮮同蔬菜選擇多，擺放乾淨整齊~泡菜，大豆芽，酸蘿蔔得前菜亦不可少~熱食，煎炸物都好多選擇，炸雞翼，炸蝦片，紅酒牛尾，豬腳薑，呢4款係必食~仲有幾款糖水~連凍海鮮，壽司，沙律都有~除左雪糕櫃入面既幾款雪糕雪條，仲有軟雪糕機可以自己唧~仲有朱古力噴泉，自製綿花糖~各式甜品杯，水果~選擇真係好多好多~飲品選擇都不少~上次黎食店員教我地用菜墊底，上面放肉去煎煮，蔬菜吸左肉汁好 juicy ，又唔會整到個鐵板燶哂，肉又會特別軟嫩多汁~豬腳薑夠淋同入味~炸蝦片脆卜卜又香蝦味~食埋水果同雪糕就大滿足啦~