美味故事 (Closed)

今日同朋友一齊去旺角道行街，唔想成日食連鎖店，所以上網睇吓有冇啲良心嘅好味餐廳食，於是就俾我哋搵到旺角寬成樓依間樓上餐廳😉於是過嚟試吓新野，但係估唔到有意外嘅驚喜，原來咁好食！首先一嚟到餐廳好闊落，而且裝修日系文清，周圍都係打卡嘅位置，我哋仲選擇坐左「他他me」，好有日本嘅感覺🤩嘢食質素都勁高，我哋叫咗一個$428既2人set dinner，酒店級嘅嘢食質素，有齊前菜、主菜、飲品，仲有小食，逐碟逐碟上，情人節過嚟同男女朋友食都一流！😘沙律方面我哋要咗一個柚密寒天海草沙律，另一個要左香橙🍊柚密煙鴨胸沙律🥗沙律味道超級清甜健康，食得出係外國嘅火箭菜😉小食我哋要咗一個醉雞，另一個三文魚他他特別推介係醉雞！肉嘅質地超嫩滑，而且有好香濃嘅酒味，整到超入味😍主菜我哋要咗一個西京燒三文魚扒，令一個要慢煮美國安格斯西冷兩個都勁高質，絕對係酒店級嘅質素！三文魚好多肉，而且面層烤過，有好香嘅煙熏味慢煮西西更加係我食過最好味嘅西冷！肉質超級嫩，仲有好香嘅牛味，但有keep到內層好多汁🥰嘢飲我哋叫咗一杯朱古力，令一杯熱情果，簡直係完美嘅一餐！