十八味私房牛肉麵

Open Now

Now Closed

8號波，食個lunch就返歸，路過見到台式野 諗住好耐冇食過，再上網睇埋啲comment好似都ok，就走咗入去先。首先企門口個位唔知係咪老闆嘅男人非常唔好脾氣，講唔夠兩句就自己急急腳走咗入廚房，跟住有另一個女人叫我隨便坐，個男人就即刻彈返出嚟叫我坐埋另一邊單邊位，都算。再問佢係唔係有個霸王鹽酥雞滷肉飯，佢就好霸氣咁同我講:"你睇呢個餐牌唔啱㗎,食飯就拎另外一個餐牌自己睇啦！" 我當堂嚇左跳，之後陸續見到好多人入嚟都係佢d態度都係非常差。心諗，啲嘢食好食就算啦。點知個鹽酥雞扒黎到，賣相係ok嘅，但個滷肉飯d滷肉好又肥又無味，個鹽酥雞炸得幾好但又係無咩味(差小小想自己撒d鹽落去)，個珍珠奶茶茶味又非常淡，出面是但一間茶飲都好飲過佢，都唔明點解啲人留言話呢間嘢好食， 下理為例。