Video
Read full review
2020-03-10
953 views
今日係同女朋友嘅半年紀念日，係OpenRice book 左 Aqua，咁呢，就有得揀個Sunset Dinner set。首先講下個環境先，係One Peking 29樓，飽覽維港景色，真係好有Feel。另外餐廳內嘅裝潢，都好有格調，而且配合埋柔和嘅燈光，更添浪漫嘅氣氛。今日我地係坐係後排位置，但其實都有好處，就係坐得比較舒服，座位比較寬闊，而且仍然能夠睇到維港夜景。當然如果想睇維港景色睇得更清晰，可以坐Window side，不過要有心理準備座位會比較狹窄。因為係OpenRice 預先訂左位，所以可以Order Sunset Dinner 同埋免費Upgrade 左dessert platter。我地叫左兩Set 3 course set。Starter 我地揀左 Seared Salmon and yellowtail seaweed salad 同埋 Mozzarella。火炙三文魚加上油甘魚同海藻，再配搭Kimchi sauce，成件事好match，魚嘅油香配上醬汁嘅香氣，令人回味無窮。至於Mozzarella，十分 creamy，加上 roasted tomato sau
首先講下個環境先，係One Peking 29樓，飽覽維港景色，真係好有Feel。另外餐廳內嘅裝潢，都好有格調，而且配合埋柔和嘅燈光，更添浪漫嘅氣氛。今日我地係坐係後排位置，但其實都有好處，就係坐得比較舒服，座位比較寬闊，而且仍然能夠睇到維港夜景。當然如果想睇維港景色睇得更清晰，可以坐Window side，不過要有心理準備座位會比較狹窄。
因為係OpenRice 預先訂左位，所以可以Order Sunset Dinner 同埋免費Upgrade 左dessert platter。我地叫左兩Set 3 course set。
Starter 我地揀左 Seared Salmon and yellowtail seaweed salad 同埋 Mozzarella。火炙三文魚加上油甘魚同海藻，再配搭Kimchi sauce，成件事好match，魚嘅油香配上醬汁嘅香氣，令人回味無窮。至於Mozzarella，十分 creamy，加上 roasted tomato sauce，絕對係一流嘅享受
餐飲方面，佢有得揀 1.5 hours free flow champagne，所以我地緊係揀左呢個，因為真係好抵飲。呢隻veuve clicquot champagne，有一陣果香味同煙熏味，而且酸度適中，好適合配搭魚，同埋牛扒等等。
至於Main course，我地揀左燒牛柳伴芥末及甜日本米酒醬，同埋香草醬意大利飯配藍芝士及合桃。 燒牛柳大約七成熟，牛柳鮮嫩多汁，肉味香濃。再配上芥末醬同埋甜日本米酒醬，令成道菜提升至另一個層次，特別係個米酒醬，好香好濃郁，而又唔會蓋過牛肉本身嘅味道。另外香草醬意大利飯好Creamy，有一陣奶油香同埋香草香味，再呷一口藍芝士，有淡淡嘅咸香味同埋藍芝士獨有嘅蘑菇香氣，再加上核桃提升左個意大利飯嘅口感，令人一試難忘。
最後當然唔少得 dessert platter, 佢有兩球雪糕，一個心太軟，一個tiramisu，同埋一舊類似和菓子嘅甜品。特別要推介心太軟同埋tiramisu。心太軟唔會太甜，有香濃朱古力味，口感比較厚實。而Tiramisu口感細膩飽滿，有淡淡嘅咖啡同朱古力味，一個字，好味！
28 views
0 likes
0 comments
19 views
0 likes
0 comments
20 views
0 likes
0 comments
52 views
0 likes
0 comments
Post
