Ulyssa by Aldou (Closed)

難得閒日公司放假，所以去左好耐無去既荔枝角～下午行下翻新左既工廈睇下手作，行完當然要搵間工廈既餐廳食左啦～唔好以為荔枝角係個工廠區，其實依度都好多餐廳。係Openrice搜索到依間西餐廳，就上黎試一試～依度既室內設計好優雅，以植物、花、木等為主題，有個藤梳化櫈，少女或有少女心既一定不能錯過既打咭位🥰我地點左：澳洲草飼肉眼扒8安士配薯菜黑松露燒汁五成熟，燒得岩岩好，外面煎香，內面仲帶紅，咬落肉質嫩又軟。醮上黑松露汁將煎香既牛扒帶上更高層次。配上香脆薯條及造型可愛又甜既原條金旬，仲有煎香既蕃茄厚片，賣相立即加分😘保濕豬肉眼粒牛肝菌意大利飯保濕豬肉味道似焗豬扒，但豬扒有時都會靭，而保濕豬肉眼粒肉汁保留之餘，肉質亦軟嫩，而且每舊豬肉也帶點脂肪所以口感滑，做得非常好。意大利飯吸收左牛肝菌既香味，所以好好食。而且大大粒軟綿綿，我推介👍🏻煙三文魚牛油果芝士卷厚厚既煙三文魚煙薰味濃郁包普剛好熟透既牛油果，口感滑，仲有水牛芝士帶點煙靭。加上下面沾上欖欖油既沙律菜帶著既獨特味道，依個前菜無論係味道同質感都非常豐富。