漁牧 (Closed)

一直被一大鍋魚所吸引，諗住疫情下會有優惠，點知星期六，日係冇優惠，諗住會冇乜人客，又唔係喎，隔住台坐都滿。其實幫襯前都心大心細，因為食評一般，唯一好處係食環境！果然不出所料，真係食環境。四人同行點了酸辣盧魚，半隻片皮鴨，叫多個二食，涼瓜蚊鴨，白飯及紫薯飯。魚唔夠滑，相信係將魚煮好再淋上汁煮，汁嘅味道唔錯，但煲耐咗會好咸，魚亦會鞋。半隻鴨其實只係有1/4隻，好嘅係有隻鴨肶，至於涼瓜鴨，獻汁則較濃。紫薯飯純是紫薯加白飯。食後感，純粹食環境！