三姐松記糖水 (Closed)

夜晚晚渣住架車去搵糖水鋪，除左好食之外緊係要易泊車啦，今日去哩間三姐松記就岩曬啦方便就腳，d糖水甜品良心制作，本身諗住叫個雪梨糖水，點知牙姐話哩排d雪梨唔靚，唔比我點不過好在呢度嘅糖水款式多多，嚟咗咁多次都食唔暈佢咁多款糖水甜品先黎一個椰青水啫喱，成個椰青上，食落清甜爽口，配上淡奶，味道更加香濃，食完仲可以刮埋啲椰青肉黎食，正朋友叫左個木瓜墩雪耳，火候十足，大大件木瓜，滋陰養顏最後必點緊係心太軟啦，食完頭盤，佢就岩岩好焗好，好鐘意哩度個心太軟個甜度控制得岩岩好，唔會太甜，反然特顯到朱古力嘅香味，唔會太濟，配埋個益力多雪糕，清清地酸酸地，岩岩好可以解左心太軟個肥膩感覺