元朗新記 (吳松街)

Open Now

Now Closed

嚟到佐敦，要去廟街買嘢，於是就係附近到食啲嘢填下肚。見到呢間就係前一條街嘅元朗新記，好似都有名氣，一於就試下啦！除左有粥食之外，仲有唔少小菜架，好多選擇。撞正下午茶時間，見到價錢都非常合理，抵食。生滾貴妃雞粥配炸倆 下午茶$55一定要叫佢哋嘅招牌生滾貴妃雞粥呀，超多雞件，非常之滑呀，一啖雞一啖粥，好滿足呀！跟餐嘅炸倆都好脆呀，加埋豉油真係好正。海蜇手撕雞 $52少少麻辣味，令人食完又食，停唔到口，份量都好多呀泰式鳳爪 $47鳳爪爽口，帶有酸辣味，好好送粥呀，夠晒開胃！紅棗糕不算太甜，又煙韌，真係超級好味！