Video
Read full review
2019-06-15
64 views
媽咪生日，梗係想同佢食好啲，但揀酒店buffet一定俾佢哦我哂錢回唔到本，於是上openrice睇咁岩又俾我搵到呢間性價比幾高既記得以前有同朋友黎食過Set din，原來依家晚市轉左做自助餐，六折優惠後都係二百幾～～～一入門口就見到沙律同甜品吧。仲有不同種類芝士，種類比得上酒店buffet呀食肉獸既我當然係夾肉類先雞牛豬都有，大雜燴全相太多網友影過我就唔影啦。牛堆中我最中意食牛仔骨同牛仔肉，岩岩好煮到七成熟，肉質鮮嫩唔韌，唔需要額外醬料調味都充分食到佢既肉味燒雞外皮薄得黎好似薯片咁脆，好厚肉，但醃得略嫌鹹左少少。豬肋骨必食燒得好鬆化，唔黏骨，面頭塗上厚滿既燒烤醬非常惹味。估唔到連依家流行既酸菜魚都有睇相就知幾大舊，啖啖肉。可能就返大眾口味煮得偏向清淡，如果再酸啲會更開胃～食完雞牛豬硬係覺得爭左少少野，餐廳果然夠貼心，訂座即送海鮮拼盤無諗過送既會有咁既質素！！正宗西式味道，加左蘿蔔、粟米、淡奶油、白蘭地等，醬汁充滿奶酒香同海鮮既鮮甜，除去腥味之餘食落更可口，連唔好海鮮既媽味都讚不絕口除左肉類，仲有龍蝦汁扁意粉、炒飯、手抓餅等飽肚之選，同洋蔥圈、炸魷魚筒、串燒等燒烤小食。網友們大讚既糯米釀
記得以前有同朋友黎食過Set din，原來依家晚市轉左做自助餐，六折優惠後都係二百幾～～～
一入門口就見到沙律同甜品吧。
仲有不同種類芝士，種類比得上酒店buffet呀
食肉獸既我當然係夾肉類先雞牛豬都有，大雜燴全相太多網友影過我就唔影啦。
牛堆中我最中意食牛仔骨同牛仔肉，岩岩好煮到七成熟，肉質鮮嫩唔韌，唔需要額外醬料調味都充分食到佢既肉味
燒雞外皮薄得黎好似薯片咁脆，好厚肉，但醃得略嫌鹹左少少。
豬肋骨必食燒得好鬆化，唔黏骨，面頭塗上厚滿既燒烤醬非常惹味。
估唔到連依家流行既酸菜魚都有睇相就知幾大舊，啖啖肉。
可能就返大眾口味煮得偏向清淡，如果再酸啲會更開胃～
食完雞牛豬硬係覺得爭左少少野，餐廳果然夠貼心，訂座即送海鮮拼盤無諗過送既會有咁既質素！！正宗西式味道，加左蘿蔔、粟米、淡奶油、白蘭地等，醬汁充滿奶酒香同海鮮既鮮甜，除去腥味之餘食落更可口，連唔好海鮮既媽味都讚不絕口
除左肉類，仲有龍蝦汁扁意粉、炒飯、手抓餅等飽肚之選，同洋蔥圈、炸魷魚筒、串燒等燒烤小食。
網友們大讚既糯米釀雞翼，真心好食
一咬落去首先食到雞肉既軟嫩，肉汁傾瀉而出，其後又咬到糯米既黏韌，配埋偏甜既燒烤汁同蜜糖，食落一啲都唔滯，令我對糯米完全改觀
媽咪私心推介充滿菌香既黑松露野菌忌廉湯，落足料煲，口感綿密細滑。
臨尾當然要食甜品先滿足，鮮果好清甜，蛋類細細件可以試多幾款，另外仲有台式芋圓同爆谷，中西台式樣樣俱全，正呀
Post
