達人包車 (Closed)

農曆七月十四，有咩要留意?梗係早啲收工，同埋燒嘢啦！不過，筆者有宗教信仰，唔會去燒街衣，唯有改燒第二樣嘢。韓燒如何? 看見身邊有些食友/朋友也去了達人包車，咁我都唔執輸，相約幾位老友，在大節時燒一燒。 銅鑼灣的幾幢食廈，真係好睇唔好食，如呢間嘢，筆者用餐一個多小時，只見小貓三幾隻，生意難做。 我要遲，大家先點餐。其中他們點的一款串燒，有個長長的架，掛起各式各樣的食物，有肉類有菜蔬，如雞肉、腸仔、豬腩肉、蝦、菠蘿，以及三色椒等等。 將之全部除下，放上去(燒)。質素大致普通，蝦和青椒也沒什麼味，最好的是豬腩肉，有肥有瘦，甘香可口，我始終是不折不扣的食肉獸。 另外的醬燒牛肉，我來時朋友已弄得七七八八，可以即刻食。牛肉件件鬼咁大，好在仍不韌，味道帶甜的，都可以。但更不要錯過墊底的粉絲，這點，你懂的。 肉很多，其實都幾飽肚，加埋杯有汽的芒果汁飲品，肚子撐著離開。