Video
Read full review
2021-05-23
1985 views
原本喺去年2020年7月就已經可以同最好嘅朋友一齊嚟呢度食肉，可惜當時突發第N波疫情有限制，被臨門一腳取消咗。半自助式巴西燒烤，晚市每位$398，另加$100-就可以任飲紅白酒及氣泡酒。Salad bar 每日提供嘅款式都唔同！是日冇我最愛嘅 Parma ham。但有提供青口、白飯、南瓜湯、火腿、芝士、水果、蛋糕外。仲有好多款沙律及配料，就好似有橄欖藜麥、希臘沙律、紅菜頭沙律及中東蔬果沙律。當日前菜我試咗南瓜湯、雜菜絲沙律及薯仔沙律。兩款沙律都食到有乳酪，酸酸甜甜好開胃。平時我唔鍾意食薯仔嘅，我都食咗兩小碟。南瓜湯唔係咁濃稠，但唔甜唔似罐頭湯，都幾好飲！當日星期一都係得幾張枱，但幾個侍應都不停喺廚房攞肉串，行到你面前睇下客人啱唔啱！喺呢度食飯有個規矩㗎，枱面上有個牌，要將『I’m hungry 』向上，侍應就會攞住一串串嘅肉奉獻俾你。當日我真係試咗好多嘢，燒雞鎚羊架羊脾，燒菠蘿香腸蝦、仲有好多不同部位嘅豬牛等等。基本上除咗燒雞麻麻地之外，燒羊及牛真係幾好食。牛都有好多款，但我只識分到西冷及牛仔骨。我個人覺得
半自助式巴西燒烤，晚市每位$398，另加$100-就可以任飲紅白酒及氣泡酒。
Salad bar 每日提供嘅款式都唔同！是日冇我最愛嘅 Parma ham。但有提供青口、白飯、南瓜湯、火腿、芝士、水果、蛋糕外。仲有好多款沙律及配料，就好似有橄欖藜麥、希臘沙律、紅菜頭沙律及中東蔬果沙律。
當日前菜我試咗南瓜湯、雜菜絲沙律及薯仔沙律。兩款沙律都食到有乳酪，酸酸甜甜好開胃。平時我唔鍾意食薯仔嘅，我都食咗兩小碟。南瓜湯唔係咁濃稠，但唔甜唔似罐頭湯，都幾好飲！
當日星期一都係得幾張枱，但幾個侍應都不停喺廚房攞肉串，行到你面前睇下客人啱唔啱！喺呢度食飯有個規矩㗎，枱面上有個牌，要將『I’m hungry 』向上，侍應就會攞住一串串嘅肉奉獻俾你。
當日我真係試咗好多嘢，燒雞鎚羊架羊脾，燒菠蘿香腸蝦、仲有好多不同部位嘅豬牛等等。基本上除咗燒雞麻麻地之外，燒羊及牛真係幾好食。牛都有好多款，但我只識分到西冷及牛仔骨。
我個人覺得羊架及呢款牛係最好食！
侍應同我介紹啲咩牛咩豬，我鬼記得晒咩，全部都係英文。不過好食還好食，但都要睇下侍應切邊個位俾你。咁啱嗰日冇乜客人，我想食幾大塊，我想食邊個位都可以。
臨近尾聲食唔飽都唔怕㗎！侍應都會問你想食啲乜嘢，只要分得出食過啲乜嘢好食，話個名俾侍應聽，佢哋都會再燒出嚟俾你食嘅。
食得太飽，唔想再食肉，想食生果有生果，想食甜品有甜品。當日就有熱情果蛋糕、朱古力蛋糕、 Brownie、南瓜蛋撻、仲有一個係椰子絲脆餅。口感係幾得意，一條條嘅椰子絲，好食嘅但就好甜。對於外國人呢種甜度應該還好！
呢間餐廳其實真係都值得去試下嘅，除咗氣氛好之外，食物都有多款。不過食量細嘅話試食午餐就夠哂皮。如果女士想幫襯嘅話，每逢星期三都有Ladies night每位只需$278-。
Post
