Route 83 (逸峯商場)

Open Now

Now Closed

前兩日見完客，收早就同埋男朋友係屋企附近睇戲之後就食埋個夜晚飯，咁就可以拎埋商場個免費泊車🚘，因為好近戲院我哋成日睇完戲都會過嚟食西餐意粉🍝等等今次唔食澱粉質，我哋叫咗香脆包糠焗豬鞍，🐖🐖唔好睇佢得壹塊豬鞍其實個份量好大，先焗完鎖住啲肉汁，外面仲有一層博博嘅麵包糠包住，所以食落外脆內軟，另外係配完個焗薯，誠意滿分因為我好鍾意食羊，🐑🐑我另外叫咗法式燒羊架配香草燒汁，三舊羊架$200有找真係好抵食，佢燒到羊架外面焦香，食落啲羊脂係口入面散發出黎因為都食咗兩大碟肉，叫咗芒果沙冰Refresh一下味蕾，甜度啱啱好用膳芒果打出嚟嘅沙冰都幾細滑，好香芒果味，另外仲叫咗杯檸檬水就好普通，冇乜特別。