莆田 (利舞臺廣場)

Open Now

Now Closed

今日黎到銅鑼灣，即刻去聲稱米芝蓮一級食府莆田試下蟶霸。入到去環境都ok,座椅舒服，但就較多內地人幫襯。前菜係精美四小拼，個紫菜又咸又酸，十分開胃。滷豆腐同筍乾都十分入味，份量都算多。之後又試左酒糟醃蟶子。酒味十分濃郁，完全遮蓋左本身蟶子鮮味。呢個時候配以熱茶，十分暖胃。主菜係蒜蓉蒸蟶子，呢道菜式一上檯就十分吸引，蟶子鮮嫩多汁，可以食到當中ge鮮甜。漁民紫菜炆飯較油，飯亦較為濕潤，味道尚算清淡。甜品係香芋棒，口感乾身，亦十分之脆。內裡有充足ge芋泥，味道不錯，值得讚賞。