The Luxe Seafood Bar & Resto (Closed)

老公放工同我👫係旺角行左陣，8點3左右，我地肚餓但行來行去又唔知食咩好，而之前行過見到呢間野就上網睇過下，知呢間食蠔自助餐，都有啲心郁想試試，咁我地就今晚一於食呢間！ 要拎飛留電話等位，咁我地就再行多陣先，行落幾層睇下野咁。當老公話餓到頭暈唔再行落去既時候，(其實只係落左2層咋老公😑) ，電話響起通知我地有位，都快有位！ 入座8點半左右，食1個半鐘可以食到10點。開始時，我地就緊係拎生蠔先啦 比想像中大隻呢 ！老公話雖然唔係咩靚品種，而且有啲碎殼，但 2百蚊既自助餐算係咁啦 抵 我地兩個總共食左差不多2打。其他凍食仲有蝦，螺，青口，三文魚，都ok。而壽司得4款左右唔多揀，唔太中意啲壽司。熱食就無咩特別好普通，得豬排雞排咖哩牛腩炒飯，都係唔多揀，有炸饅頭！豬排又乾又無味，煎菜餃感覺係一pat麵粉皮咁老公就話呢個米粉都ok，湯底辣得黎都香既。應該係冬陰公湯底，餸有蝦有魚片有3粒豆pop，仲有粒唔知咩丸係入面。到甜品啦！得4款左右cake同豆腐花，滿足唔到中意食甜品既我，覺得唔好食。 不過老公就幾中意個豆腐花夠滑喎～環境方面， 雖然地方唔大，但一啲都唔迫，座位坐得舒服。 燈光較暗，覺得