Video
Read full review
2024-11-03
32 views
餓媽家姐選擇甚多，中伏機會不大，皆因通常收得貴，食材質素有保證，但性價比欠奉，令人卻步。適逢開關，想食日本菜而又高消費的，一般都會到日本直接食用，所以一向有人群恐懼症的我決定把握機會覓食。在開飯，谷歌上遍尋良久，不是過千圓就是排隊店，或是評價兩極的餐廳，最後經過不專業的篩選下搵到呢間餓媽家姐，一見價錢唔洗五舊就有15道壽司，包前菜三道，甜品，毫不猶豫就訂了座。一入座只得一台客，甚冷清，但接待員，廚師未有怠慢，上菜積極，服務態度好，環境如其他圖片所示走高冷簡約風。人不多，好坐。前菜三道包括沙律，湯及茶碗蒸，沙律和湯一般，茶碗蒸中上。見前菜三道有點公式化，開始有些許擔心接著下來的壽司質素會否也是不值五舊的貨色。廚師教你甚麼叫用作品說話，所有白身魚，貝類食材新鮮，唔腥，不會側重過多調味，偶爾火炙，壽司味道已經令人驚艷。當以為完結之時，廚師一手剷起一整列的海膽放在壽司飯上，用紫菜包好，真係未試過一次食咁多海膽嘅手卷，用過後才明白真正的性價比真味。最後以港女最愛開心果雪糕作結，大滿足！看到價錢較低的餓媽家姐，一般都會心有驚驚，但呢間絕對穩陣，冇中毒問題，價錢抵仲要好食，易訂座，位置方便，仲可以去
在開飯，谷歌上遍尋良久，不是過千圓就是排隊店，或是評價兩極的餐廳，最後經過不專業的篩選下搵到呢間餓媽家姐，一見價錢唔洗五舊就有15道壽司，包前菜三道，甜品，毫不猶豫就訂了座。
一入座只得一台客，甚冷清，但接待員，廚師未有怠慢，上菜積極，服務態度好，環境如其他圖片所示走高冷簡約風。人不多，好坐。
前菜三道包括沙律，湯及茶碗蒸，沙律和湯一般，茶碗蒸中上。見前菜三道有點公式化，開始有些許擔心接著下來的壽司質素會否也是不值五舊的貨色。廚師教你甚麼叫用作品說話，所有白身魚，貝類食材新鮮，唔腥，不會側重過多調味，偶爾火炙，壽司味道已經令人驚艷。當以為完結之時，廚師一手剷起一整列的海膽放在壽司飯上，用紫菜包好，真係未試過一次食咁多海膽嘅手卷，用過後才明白真正的性價比真味。最後以港女最愛開心果雪糕作結，大滿足！
看到價錢較低的餓媽家姐，一般都會心有驚驚，但呢間絕對穩陣，冇中毒問題，價錢抵仲要好食，易訂座，位置方便，仲可以去邊搵。最後井多小小，佢人少真係好坐，但人少難免令人擔心佢做唔住，寫食評亦只是希望好的餐廳不會被過多整色整水的打手給掩蓋，希望餐廳能夠專心烹調而非考慮任何公關。直至收筆仍對海膽手卷未能釋懷，好食！
Post