譚仔三哥米線 (Closed)

臨出發去日本，去到機場咁遠食咩好？譚仔三哥係好選擇！！！食譚仔三哥我一定食三哥酸辣，因為貪佢夠惹味，而且辣之餘，又酸酸地，夠晒酸胃。想盡享湯底一定要叫d 吸湯汁嘅餸，我最鍾意豆卜，三哥嘅豆卜一向高水準，脹卜卜，唔會上枱前已經霉晒。咬開佢吸晒d 湯再食，正。不過雞肉就好平淡，究竟三哥會唔會推出一d 堅係好食嘅肉類配料呢？$44 兩餸，配埋凍飲，仲想點呢？不過禁區外食野，真係好危險，差少少就上唔到機，大鑊！！！