新記特式車仔麵

Open Now

Now Closed

幫襯多年西環新記,車仔麵仍然好好味, 湯底非常濃郁。見到有好多明星嚟幫襯, 堂食外賣都見過, 好勁!呢到車仔麵有好多款餸揀，計埋小食有成60幾個餸揀 , 全部好高質數, 只有呢到先食到咁高質美食。我次次嚟都選擇唔同配搭, 食5餸1麵好大碗, 好有滿足感, 車仔麵加埋汽水係一個完美配搭。我今次揀咗咖哩魚蛋，滷水雞翼尖，蘿蔔，牛栢葉，菜，油麵。湯底我就揀牛腩汁加辣汁, 味道超正令人念念不忘。蘿蔔好清甜, 咖喱魚蛋粒粒彈牙，仲有配埋自家製嘅辣醬，真係絕配！滷水雞翼尖好入味, 好正, 一定會再幫襯。