十二味 (搵食市集)

Open Now

Now Closed

突然辣癮起，即刻諗起「十二味」。上次喺大坑食過，已經愛上。好彩最近發現大圍都有，即刻捉埋亞仔去食。今次呢間大圍店，餐廳比大坑店更廣濶，坐位更多。同樣掃枱面 QR Code 便可以自助落單，非常方便。多辣、少辣、多酸、少酸、多麻、少麻，悉隨尊便。今日特別想食酸菜魚，首先二話不說點了一份二人份量酸菜鱼。魚肉十分多，鮮甜肉滑，個湯底仲正。午餐時段仲有套餐供應，有飯、拍青瓜小食及一包檸紅茶。呢個辣炒雞本身有辣椒一起炒，所以感覺上小辣也相對比較辣。食辣野一包檸紅茶當然唔夠。所以再加多兩杯特飲，菠蘿汁和熱情果梳打，大大杯超正。最後必食糍粑，傳統小食甜點，上次食過心思思，所以今次又要。當然最後兩個人係食唔晒咁多野，結果打包咗一大碗酸菜魚，第二日亞仔做午餐。