倫哥火鍋私房菜 (Closed)

成日都聽朋友講倫哥任食抵夾好食，仲有海鮮添，但一直都食唔到，次次book都無位。今次一早約好幾個朋友，神咁早打去book，終於食到喇。收工去到啱啱好八點半，間鋪都幾易搵，事關倫哥火鍋個招牌著晒燈。半自助雞煲火鍋一開始梗係食雞煲先，有朋友唔食得辣，所以叫咗BB辣。上枱已經聞到好香，跟住枱面張紙，每兩分鐘搞下個雞煲，搞四次就食得lu~ 啲雞啱啱好唔會太「鞋」，辣度方面BB辣對我黎講就一定唔夠辣，但個汁夠香又夠惹味，好味到都忍唔住瘋狂食。雞煲就任食嘅，但係我地幾個女仔都想留肚食海鮮，所以無再加Lu~食緊雞煲個陣，其他前菜都陸續咁上。有木耳同四季豆，仲有象拔蚌刺身。象拔蚌刺身幾有咬口，最緊要係夠新鮮，食落無咩好腥味。最正當然係「鮑你上位」啦。鮑魚扣冬菇夠味又夠淋，正！不過呢碟就唔係任叫，每人一隻，當留肚食其他野啦。食完雞煲就梗係開始海鮮火鍋，醒目嘅我當然留起少少勁惹味嘅雞煲汁係碗度先啦。我地揀咗水果湯，貪佢聽落夠特別。重點黎啦，就係海鮮盤！！海鮮係每位一份，除咗蟹、聖子、貴妃蚌同蠔，其他都可以任加。海鮮又真係好新鮮好鮮甜。自己本身鍾意食蟹，呢度啲蟹啖啖肉仲勁鮮甜，正！我地加咗大蜆，蝦同脆肉鯇，