Video
Read full review
2021-07-01
1838 views
好耐冇食過放題，今次去左屯門試下呢間餐廳，入到黎感覺ok，卡位乾淨寬敞，員工都幾有禮貌。呢度都係網上落單，食物種類都幾多。第一round當然係簡刺身啦，不過唔知係咪人手唔夠等左5個字，而且黎到刺身擺放得好肉酸，心諗中伏啦，但冇諗過出奇地新鮮美味，完全冇雪藏味，試左三文魚、三文魚腩、鮮蝦刺身、象拔貝刺身、鮮帶子刺身、鮑魚片刺身等等，樣樣都好好味好新鮮！手握壽司方面每件都細細粒，醋飯嘅比例啱啱好，食落去唔會好飽滯，賣相吸引而且有好多選擇，佢最特別有個火炙芫荽三文魚壽司，可能我唔係芫荽愛好者，所以我自己就覺得一般，但其他壽司都好好味，好似燒和牛壽司、醬燒三文魚壽司、火炙左口魚邊壽司、花之戀壽司入口即化，估唔到放題有咁樣嘅質素，真係好驚喜！我就喺度諗放題通常生野好食熟嘢都麻麻哋，但係呢一間又唔會喎，天婦羅炸物爽脆，粉漿夠薄食物夠熱唔油膩，而且調味都足夠，唔使點醬汁都夠味，其他炸物例如芝麻雞翼、雞軟骨都好惹味。我私心推介佢隻瑞士汁雞翼，真係滷得好入味，而且皮滑肉嫩，我自己都食咗好幾隻。飲品方面呢間舖頭好得意有奶茶檸茶檸水紅豆冰呢啲茶餐廳飲品，我哋叫咗奶茶同埋紅豆冰，紅豆冰就正正常常中規中矩啦，奶
第一round當然係簡刺身啦，不過唔知係咪人手唔夠等左5個字，而且黎到刺身擺放得好肉酸，心諗中伏啦，但冇諗過出奇地新鮮美味，完全冇雪藏味，試左三文魚、三文魚腩、鮮蝦刺身、象拔貝刺身、鮮帶子刺身、鮑魚片刺身等等，樣樣都好好味好新鮮！
手握壽司方面每件都細細粒，醋飯嘅比例啱啱好，食落去唔會好飽滯，賣相吸引而且有好多選擇，佢最特別有個火炙芫荽三文魚壽司，可能我唔係芫荽愛好者，所以我自己就覺得一般，但其他壽司都好好味，好似燒和牛壽司、醬燒三文魚壽司、火炙左口魚邊壽司、花之戀壽司入口即化，估唔到放題有咁樣嘅質素，真係好驚喜！
我就喺度諗放題通常生野好食熟嘢都麻麻哋，但係呢一間又唔會喎，天婦羅炸物爽脆，粉漿夠薄食物夠熱唔油膩，而且調味都足夠，唔使點醬汁都夠味，其他炸物例如芝麻雞翼、雞軟骨都好惹味。我私心推介佢隻瑞士汁雞翼，真係滷得好入味，而且皮滑肉嫩，我自己都食咗好幾隻。
飲品方面呢間舖頭好得意有奶茶檸茶檸水紅豆冰呢啲茶餐廳飲品，我哋叫咗奶茶同埋紅豆冰，紅豆冰就正正常常中規中矩啦，奶茶居然有驚喜，茶底又香又濃，好味過好多茶餐廳。
買單$248加一，呢間餐廳質素好食過其他大嘅連鎖放題餐廳，性價比好高，值得下次再嚟。
Post
