明記 • 潮鍋 (Closed)

友人說呢度有個午市特恵商務套餐好抵食，食完番尋味，就約左我今日到位於旺角區的明記 • 潮鍋。品嘗一下美味火鍋🍲同海鮮。湯底我哋點左芫茜🌿皮蛋，夠晒清甜，套餐包左好多野食，海鮮有上枱時仲郁緊嘅鮑魚同基圍蝦，大蜆同活青口，超級新鮮鮮甜，鱔片、鮮魷肉質有彈性，新鮮爽口彈牙。肉類有肥瘦適中的豚肉，同埋紋理好靚的安格斯牛肉。潮州丸類是真材實料的牛丸、貢丸、魚蛋同埋蝦丸，款款都有彈性可口。個餐仲有菜同出前一丁或烏冬選擇，我哋要左烏冬，所以都很飽的了。飲品要咗冰凍啤酒🍻，我哋都樂而忘返，叫左3支真係飲飽食醉。食材新鮮超級抵食，真係早食早享受🥳。