Video
Read full review
2023-04-05
1812 views
是晚係Happy Tuesday, 因為隔日係公眾假期嘛🥳我哋過咗嚟長沙灣附近搵食，諗嚟諗去唔知食咩好嘅時候，決定翻兜蘇山雞飯😋記得上次嚟食咗嫩滑海南雞，今次想食啲新嘢，一於就肉骨茶啦！而家轉咗手機落單好方便，撳吓撳吓就落好單，等咗冇幾耐，美味佳餚火速送到面前！肉骨茶有加錢優惠配其他食品，我哋就加咗個麻辣玻璃魷魚通菜。通菜夠嫩冇渣，好快食曬。肉骨茶好重胡椒香味，一字排煲到已離肉，好夠腍，每人都有兩大舊喎！另一份主菜就係點咗豪華版嘅叻沙，湯底有椰香，配料方面有半隻大龍蝦同啖啖肉龍蝦鉗，彈牙又鮮甜，而且仲有魚蛋、魚片及雞蛋等。另外，我哋再加錢配咗半打沙嗲串燒，係牛同雞，蘸啲香茅花生醬，好美味，記住趁熱食呀！最後奉上兩杯餐飲，唔記得影添😅一杯係熱蜂蜜桔仔水，另一杯係熱檸檬薏米水，作為呢餐豐富晚餐嘅總結！
我哋過咗嚟長沙灣附近搵食，諗嚟諗去唔知食咩好嘅時候，決定翻兜蘇山雞飯😋
記得上次嚟食咗嫩滑海南雞，今次想食啲新嘢，一於就肉骨茶啦！
而家轉咗手機落單好方便，撳吓撳吓就落好單，等咗冇幾耐，美味佳餚火速送到面前！
肉骨茶有加錢優惠配其他食品，我哋就加咗個麻辣玻璃魷魚通菜。通菜夠嫩冇渣，好快食曬。肉骨茶好重胡椒香味，一字排煲到已離肉，好夠腍，每人都有兩大舊喎！
另一份主菜就係點咗豪華版嘅叻沙，湯底有椰香，配料方面有半隻大龍蝦同啖啖肉龍蝦鉗，彈牙又鮮甜，而且仲有魚蛋、魚片及雞蛋等。另外，我哋再加錢配咗半打沙嗲串燒，係牛同雞，蘸啲香茅花生醬，好美味，記住趁熱食呀！
最後奉上兩杯餐飲，唔記得影添😅一杯係熱蜂蜜桔仔水，另一杯係熱檸檬薏米水，作為呢餐豐富晚餐嘅總結！
Post
