Cocolo Tokyo Cake Factory (朗豪坊) (Closed)

之前食過一次利東街嘅cocolo，覺得真係好正好好味，所以今日經過朗豪坊，就推介朋友一齊入去食！朗豪坊呢間好似大啲啲，staff都好nice有禮貌呢次嘅蘋果批都係啱啱出爐，新鮮滾熱辣，不過比起上次，就燶咗少少。但入面嘅味道都冇影響，酸酸甜甜嘅蘋果泥配上綿滑滋味嘅吉士，入口真係有種極幸福嘅感覺！！朋友鍾意抹茶，所以就揀咗呢杯抹茶杯。杯外面有印到卡路里，啱哂減緊肥嘅朋友控制返飲食。214就等同一個甜筒嘅卡路里，咁都合理嘅。原來面頭係一層薄薄深綠色嘅焦糖面，令味道會多啲層次，比較甜一啲。而入面就冇咁甜，係濃郁嘅抹茶口味，而且綿滑細緻，都幾正！