金色不如帰 (H Zentre)

Open Now

Now Closed

今日食左間米芝蓮⭐️拉麵店，食完後即刻明晒點解拎到一星米芝蓮咁叻豬。因為佢個湯底同拉麵真心好好味😍.🍴貝汁鹽味拉麵 $128一般既拉麵店通常係豚骨/醬油味湯底咁，但佢有個貝汁湯底，係由蜆湯、豚骨清湯、魚清湯炮製而成，拉麵有兩款肉，包括：三層肉同低溫叉燒，偏薄身但十分入味，有幾種沙律菜切成既香草，加上香濃既白松露油同牛肝菌醬，最後加上少量京蔥，完全將個湯底昇華到另一層次。拉麵係幼身拉麵，有咬勁得黎帶點軟身，真係💯。.🍴豚骨辛拉麵 $115比起貝汁鹽味拉麵，雖然比較單調同簡單，但係佢既辛拉麵個種「辛」味，係從來未食過日本菜有咁辣既味道，辣得黎唔會成口油，湯底清清地但又帶點辣味，真係好特別，鍾意食辣既朋友唔好錯過。.🍴小食叫拉麵必加小食，我地食左個好得意既「鳥皮烏賊揚 $70」係燒香既雞皮包著手打墨魚膠，表皮脆脆地但咬落又爆晒汁咁。「唐揚博多華味鳥 $88」炸雞都唔錯，大大件又好多肉汁。.飲品仲有我係日本成日飲既支裝梳打，分別係巨峰提子梳打同白桃梳打 ，$38支價錢都算合理，日本都賣緊200幾yen一支，真係好好飲。