麻神麻辣火鍋 (Closed)

之前已經有聽朋友講過呢間麻神，話係台灣開到黎香港，不過銅鑼灣真係少去，點知轉頭而家係旺角有分店~咁就約埋朋友齊齊黎朝聖啦!入到店，環境都幾大，座位寬敞，坐得舒服，打邊爐都好介意座位問題，始終會食好耐。一拎餐牌，就已經知道原來晚市有7折，除左海鮮外，咁當然唔理咁多食左先講。麻神麻辣鍋拼花膠雞鍋  見到呢個唔諗即叫，個麻辣湯底超香，真係重重麻味，但食落又還OK，不會太辣。至於個花膠雞，真係讚，超濃郁雞味，又鮮又帶鹹香，個人好鐘意呢個湯底。除左湯底，都真係叫左好多野食!食物太多款式，我地都揀左幾款較少食到的，包括酒香白肉、孔雀鮑魚、豬潤、冰豆腐、脆肉脘、丸子拼盤、魚腐、豬肩胛肉、牛小排....成台都係野食，真係好誇張.....值得一讚係食物都好新鮮....高質享受!個南非孔雀鮑魚，真係少有，食落肉質較軟腍，但味道又好濃，加埋個湯底，正啊!個人喜歡食豬潤，口感實淨，食落味道濃，好有咬口。打邊爐當然唔會少得牛啦，牛小排，味道幾濃，唔會好韌同鞋，係好有口感，加麻辣湯底食，好惹味。個豬肩胛肉又係好味，肉質細膩，豬味濃郁。仲有特別要講個脆肉脘，好新鮮，加埋花膠湯底食，味甜又香。