焱丸水產 (Closed)

朋友大讚銅鑼灣謝菲道有間超正日本料理餐廳，名為「焱丸水產」，朋友已經幫襯超過十次以上，果然是fans，今日又同朋友專程來到焱丸食番餐優質日式料理。不講不知，焱丸水產是日本老牌海鮮店，所有海鮮從日本直送務求達保持日日新鮮，必令每位客人食到日本原有海鮮風味。餐前小食是芝麻塩醬椰菜，芝麻塩很香帶微微鹹味，先消減一點油膩感開一開胃。先來刺身3盛作，有章紅、帶子及三文魚子，再來一碟焱丸嘅壽司，海膽份量多到滿瀉，每款壽司都大大件，而且真係好鮮甜美味，刺身壽司都已經很不得了。至於活燒海鮮就order了蟹味噌甲羅燒及烏賊磯燒。焱丸水產的招牌菜就是蟹噌甲羅燒，不得不吃，店員細心地烤煮蟹肉蟹膏，再加隻鵪鶉蛋來燒，又滑又鮮，食到停唔到口。烏賊磯燒都好新鮮，燒得香口，烏賊彈牙惹味，愈食愈停不到口。轟炸雞其實是炸雞，啖啖雞肉，香滑美味，一點油膩感都沒有。主角出場「龍蝦鍋」單睇大大隻龍蝦已經覆蓋了整個鍋面，底下還放咗好多日式雜菜同豆腐，材料十分豐富，而且龍蝦肉爽口彈牙，湯裡全是精華，不得不乾盡所有靚湯，怪不得朋友每次都要來「焱丸水產」，真係會令人掛念的日式優質餐廳。