Video
Read full review
2022-09-22
682 views
因工作關係，每個月都會嚟深水埗一次，所以每次都會因利乘便，在區內搵食。記得之前曾到訪過汝州街嗰間主打澳葡美食嘅餐室，食物質素唔錯，大份又扺食，加上選擇又夠多，今日就一於食過返尋味。有人一坐低就點咗客咖喱牛坑腩飯 ($56) 而我就揀咗個豬扒包。牛腩份量好多，而且件件都炆得軟腍入味，但又不失其嚼勁。咖喱汁味道亦啱啱好，濃惹得嚟又唔會過辣，用嚟撈飯真係一流。巨人豬扒包 ($36)：豬扒包即叫即製，送上時仍熱烘烘，入面塊豬扒差唔多有我成隻手掌咁長，食落肉質好鬆化，啖啖肉又 Juicy，夾埋番茄、生菜一齊食，真係冇得輸。另外點咗 2 款小食，金沙雞翼 ($26) 外層沾上了鹹蛋黃醬，而面頭更灑滿了鹹蛋黃碎粒，食落鹹香脆口，極度邪惡！炸馬介休球 ($33) 味道亦不俗，將馬介休混入薯蓉，做成欖形，再炸至金黃色，入口外香脆，內軟綿，細嚐更透出一點點魚香，十分美味。甜品方面，一口氣點咗三款，包括有出爐葡撻 ($12@)、熱薑汁撞奶 ($28) 同 熱杏汁燉奶 ($28)。平日都好鍾意買葡撻做下午茶，呢度嘅葡撻水準亦唔錯，撻皮層次分明，而且焗得金黃焦香，蛋漿夠滑溜又重奶味，入口酥脆不油。 薑汁撞奶
記得之前曾到訪過汝州街嗰間主打澳葡美食嘅餐室，食物質素唔錯，大份又扺食，加上選擇又夠多，今日就一於食過返尋味。
有人一坐低就點咗客咖喱牛坑腩飯 ($56) 而我就揀咗個豬扒包。牛腩份量好多，而且件件都炆得軟腍入味，但又不失其嚼勁。咖喱汁味道亦啱啱好，濃惹得嚟又唔會過辣，用嚟撈飯真係一流。
巨人豬扒包 ($36)：豬扒包即叫即製，送上時仍熱烘烘，入面塊豬扒差唔多有我成隻手掌咁長，食落肉質好鬆化，啖啖肉又 Juicy，夾埋番茄、生菜一齊食，真係冇得輸。
另外點咗 2 款小食，金沙雞翼 ($26) 外層沾上了鹹蛋黃醬，而面頭更灑滿了鹹蛋黃碎粒，食落鹹香脆口，極度邪惡！
炸馬介休球 ($33) 味道亦不俗，將馬介休混入薯蓉，做成欖形，再炸至金黃色，入口外香脆，內軟綿，細嚐更透出一點點魚香，十分美味。
甜品方面，一口氣點咗三款，包括有出爐葡撻 ($12@)、熱薑汁撞奶 ($28) 同 熱杏汁燉奶 ($28)。
平日都好鍾意買葡撻做下午茶，呢度嘅葡撻水準亦唔錯，撻皮層次分明，而且焗得金黃焦香，蛋漿夠滑溜又重奶味，入口酥脆不油。 
薑汁撞奶嘅質地好似豆腐花咁嫩滑，薑味濃郁又不辛辣；而杏汁燉奶口感亦非常滑溜，杏汁香味明顯，滋潤又養顏。
飲品點咗冰鎮奶茶 (跟餐+$12) 同 紅豆冰 ($22)。奶茶順滑清香，甜度恰好；而紅豆亦軟腍有度，配上花奶，口感不俗。
Post
