味道樂居酒屋 (元州街) (Closed)

上次尖沙咀河內道嘅《味道樂居酒屋》分店食過唔錯，今日再同朋友試下長沙灣呢間。店內裝修居酒屋風格，播放著輕鬆嘅日文歌，感覺似去咗日本旅行。香炸日本池魚仔~呢個送啤酒最啱，即叫即做，啱啱炸起非常香口，脆卜卜，成條連頭食得，豐富鈣質。鹽燒厚切特上牛舌~居酒屋又點少得串燒牛舌呢，厚切，一咬即開，絕對唔韌，師傅燒得啱啱好，正！火炙北海道帆立貝蟹膏卷~帆立貝舖上蟹膏，入口十分滋味，多重口感，一定要試。原條成田醬炭火燒鰻魚飯~賣相勁得，肥嘟嘟嘅鰻魚超級大條，差啲見唔到下面嘅飯，鰻魚豐富油脂無法抵擋。麒麟生啤~開心傾計，啤一啤，夠大杯。白桃乳酸梳打~唔飲酒嘅都有汽水系列。