Video
Read full review
2018-03-11
2003 views
話說我地兩個人1230左右去到，入面已經好多人，佢俾個個卡位我地（本身有兩個人係度，一人坐一邊）咁我地坐低準備叫野食，叫左店員，佢示意等一陣，咁我地等下啦。過左幾分鐘，再叫佢佢又話等一陣，我地再等幾分鐘。其間見到廚房係好忙既，好多人都等緊食物，店員有充裕時間上菜、招呼門口攞位既客人，而叫我地等等既店員更有時間行下企下，但就係唔落單，我地都唔知點解。幾分鐘後，我地見其他店員都有時做緊，又叫返之前個個店員，佢就搵另一個店員幫我地落單。落完單冇耐，我地卡位其中一個客走啦，咁我地起身坐埋一邊，方便之後黎既客人入座。之後有三個內地客黎，店員就叫我地讓個位俾佢地，叫我地入舖頭最入面既枱坐，我地照做啦。行到入去，見到係長方枱，有兩個客坐左近牆個邊，另一邊個位好窄，又冇椅，要自己攞椅坐，而後面正好係成班大陸客既細路，脆係椅上面，坐埋去背脊中硬招，就算後面坐好，都會背貼背。咁樣安排，你免費送我都食唔落，我唔係要咩五星級服務，去茶餐廳都坐得舒服過呢度，即時走人。出門口另一個店員，可能係老闆娘（見d報導有佢樣）道歉，話送翻野飲俾地。但我想講既係，客人等得合理係冇問題，人手應付唔黎大家都有眼睇，正常人都會體諒
咁我地坐低準備叫野食，叫左店員，佢示意等一陣，咁我地等下啦。過左幾分鐘，再叫佢佢又話等一陣，我地再等幾分鐘。
其間見到廚房係好忙既，好多人都等緊食物，店員有充裕時間上菜、招呼門口攞位既客人，而叫我地等等既店員更有時間行下企下，但就係唔落單，我地都唔知點解。
幾分鐘後，我地見其他店員都有時做緊，又叫返之前個個店員，佢就搵另一個店員幫我地落單。
落完單冇耐，我地卡位其中一個客走啦，咁我地起身坐埋一邊，方便之後黎既客人入座。
之後有三個內地客黎，店員就叫我地讓個位俾佢地，叫我地入舖頭最入面既枱坐，我地照做啦。
行到入去，見到係長方枱，有兩個客坐左近牆個邊，另一邊個位好窄，又冇椅，要自己攞椅坐，而後面正好係成班大陸客既細路，脆係椅上面，坐埋去背脊中硬招，就算後面坐好，都會背貼背。
咁樣安排，你免費送我都食唔落，我唔係要咩五星級服務，去茶餐廳都坐得舒服過呢度，即時走人。
出門口另一個店員，可能係老闆娘（見d報導有佢樣）道歉，話送翻野飲俾地。但我想講既係，客人等得合理係冇問題，人手應付唔黎大家都有眼睇，正常人都會體諒（舖頭除左我講個個店員，其他人我見到都好落力，態度都冇問題）
但我睇諒你時，都希望你睇諒我，我只係想坐得舒舒服服，你要我自己set位ok，但個位基本上坐唔落，但邊有心機食野。
平時冇打食評，但今日真係不吐不快，店家見到都希望你地檢討改善。少一兩個客事小，做臭個朵事大。
Post