豐鍋雞煲 (荔枝角道) (Closed)

呢間雞煲每個客人入去餐廳，都會幫你測量體溫同埋馬上幫你消毒雙手，一定要無發燒先卑入去食野，即使差小小發燒都唔得。都係嘅呢啲時期唔做呢啲，啲客又點會食得安心wor，係咪先。-豐鍋招牌麻辣雞煲 (半隻) 💰188 7⃣聽佢哋介紹其實兩個人食半隻真係夠晒皮，如果驚辣嘅朋友仔，嗌小辣已經好夠因為真係越煲越辣。老實雞煲調味好好味，加上煲入面大量莞茜蒜頭洋蔥，香味真係幾條街都聞到（誇張mode）-手工即炸魚皮 💰53 8⃣炸魚皮麵舖或者零食就食得多，即炸嘅魚皮又食過未？一大條魚皮食得好過癮，咬落去真係震耳欲聾，脆到媽咪都差啲唔認得，只用胡椒鹽調味，簡單又惹味。-椒鹽豬扒 💰78 8⃣豬扒炸粉真係好薄，而且火候控制得啱啱好，唔會話炸到塊肉好鬼乾，小編食落去係真心堅堅嚇襯，好耐無食過咁好味椒鹽豬扒。-鹹檸七 💰35 & 烏梅汁 💰42 7⃣鹹檸七就同出面一模一樣啦，但烏梅汁真係好生津解渴，特別係食雞煲呢啲重口味嘢，好鬼啱飲！