三代目 (港運城)

Open Now

Now Closed

我同老公都鍾意食飯時小酌幾杯，但坊間既居酒屋好多時野食OK但酒就未必好岩口味。上網見呢間日本餐廳有部清酒機，特登過嚟試吓佢🤤一入座，覺得間餐廳裝修好特別，真係好似置身喺日本咁！最正就係佢可以望街，感覺非常開揚！一坐低，已經見到個「清酒放題」牌喺枱面，都有介紹吓佢地部清酒機。不過我地聽日仲要返早，所以今次就單叫兩杯清酒～呢度係自己掃QR code 落單，個人最鍾意佢有飽肚野食，唔使分兩場 XD 可以一次過先食飽再食小食！我地就首先叫咗《紫蘇燒豚肉拉麵》同《極上刺身丼》個人就鍾意佢個刺身丼多D，刺身份量都算幾多，而且佢既帶子仲係炙燒過，食落又有炭燒之餘又有帶子的鮮甜味！另外，佢既蠔又大隻又好甜好滑！跟住就輪到試清酒環節～清酒我地就叫咗兩款清酒，仲可以自己揀清酒杯添！小食方面就叫咗《芝士培根魚腐卷》，入面既芝士係可以拉絲架，岩哂送酒！總結黎講，我同老公都一致覺得佢野食好食、坐得舒服、服務細心，地點又就腳，如果想靜靜地飲下酒傾下計，呢度會係唔錯既選擇！