Video
Read full review
2011-10-13
161 views
黎過日航酒店幾次，喺佢地個大堂度總係會遇到一團團o既日本遊客；無論係工作人員或客人，全部用日語溝通，好似去左個小日本咁，好得意。今次就有少少唔同，因為聽倒o既都係國語對白，似乎日航酒店o既客路並非只限日本人bor。當日o既生日晚宴喺酒店內其中一間宴會廳舉行，食物由酒店o既日本餐廳「嵯峨野」全權負責。宴會廳樓面高，冷氣夠流通，非常寬敞舒服。一埋位，見倒餐巾同餐單上印有「嵯峨野」時，求知慾強o既賓客們都紛紛研究起餐廳名o既正確讀音。經小弟上網求證過，得出結果係：「嵯」讀音為「初」，「峨」讀音為「鵝」，「嵯峨野」原來係日本位於京都府西部o既一個旅遊勝地。日本料理對衛生同presentation都好講究，「嵯峨野」亦不例外，全晚所有舖排都好有系統，效果簡潔舒適，全場都好滿意。當晚，友善有禮o既服務生中，有位穿著和服o既姐姐仔周圍幫客人斟酒傳菜，襯托返個和味主題，真係有意思！先付（讀音：Sakizuke；解釋：頭盤）： 韓國蕃茄配俄羅斯海螺：螺肉涷食，配上酸甜o既蕃茄同豆豆好醒胃。煮物椀（讀音：Nimono-wan；解釋：湯或燜盤，多用有蓋o既碗上）： 帶子丸清湯：當侍應們為客人續一把碗蓋打開，
當日o既生日晚宴喺酒店內其中一間宴會廳舉行，食物由酒店o既日本餐廳「嵯峨野」全權負責。宴會廳樓面高，冷氣夠流通，非常寬敞舒服。一埋位，見倒餐巾同餐單上印有「嵯峨野」時，求知慾強o既賓客們都紛紛研究起餐廳名o既正確讀音。經小弟上網求證過，得出結果係：「嵯」讀音為「初」，「峨」讀音為「鵝」，「嵯峨野」原來係日本位於京都府西部o既一個旅遊勝地。
日本料理對衛生同presentation都好講究，「嵯峨野」亦不例外，全晚所有舖排都好有系統，效果簡潔舒適，全場都好滿意。當晚，友善有禮o既服務生中，有位穿著和服o既姐姐仔周圍幫客人斟酒傳菜，襯托返個和味主題，真係有意思！
先付（讀音：Sakizuke；解釋：頭盤）：韓國蕃茄配俄羅斯海螺：螺肉涷食，配上酸甜o既蕃茄同豆豆好醒胃。
煮物椀（讀音：Nimono-wan；解釋：湯或燜盤，多用有蓋o既碗上）：帶子丸清湯：當侍應們為客人續一把碗蓋打開，全場頓變得清香撲鼻，原來陣香來自中國代表o既松茸，水菜，及柚子。索完一輪，先飲一口熱湯，清香感覺全身運行，爽呀！慢慢咀嚼帶子丸時，先知驚喜繼續有得黎！帶子丸可以同時爽口彈牙，而又鬆軟滑溜，不得不讚佩師傅精湛o既廚功！。帶子o既甜味香濃，質感好有豆腐同雞蛋o既影子，精彩呀！似乎連日本菜都開始加入分子料理o既原素bor。
お造り（讀音：Otsukuri；解釋：刺身）：每次食親魚生拼盤都會諗起一位日本師傅曾經教過我地，魚生應該由淺色開始食起，因為味道較淡。
韓國鮃魚：白色o既鮃魚味道果然最淡，油份亦係最少，味道清香。
韓國油甘魚：鮮甜爽滑，魚油足，無得彈！
西班牙吞拿魚腩：睇相都見倒吞拿魚腩夠哂肥美啦！入口即溶，魚味香濃，加一口sake，味道加以滲透入口腔，依Ｄ就叫「齒頰留香」啦！Ichiban中o既Ichiban!!!
俄羅斯牡丹蝦：滑嘟嘟o既牡丹蝦，晶瑩剔透，味道爽甜，正！
溫物（讀音：Onmono；解釋：熱盤）：馬來西亞龍蝦：不費吹灰之力，大大隻o既龍蝦肉就會自動脫殼，感謝師傅費時預先處理！煮龍蝦其實好考功夫，因為時間一掌握得唔好，過熟就會又嚡又老；可以用煲上，而龍蝦肉能夠保持爽口，証明師傅手勢非常了得，讚！用龍蝦殼所餚製而成o既汁液香甜濃郁，跟碗白飯一齊食就更加perfect啦！
燒肴（讀音：Yakizakana；解釋：燒盤）：日語中，「燒肴」同「燒魚」兩者係同音；唯一分別係「燒肴」冇規定燒o既係咩食物，而「燒魚」當然只係燒魚啦。好多時依道「燒肴」都會係一條燒魚，所以兩個漢字都會見倒。另外，據說「肴」（zakana）喺日本料理中代表任何一款可以用黎送Sake酒 o既食物。
麵豉醬燒美國銀鱈魚：每份都包成一份禮物咁，好睇得！打開左之後見倒魚下o既松柏，有「魚」（餘）得黎又長壽，真係好有意思！唯一問題係，可能包裝太花時，又或者係房中o既冷氣所致，入口時，魚肉雖則係嫩滑，但係已經涷哂。
止肴（讀音：Tomezakana；解釋：「食事」前o既一味）：「止肴」係日本料理中尾二o既一味。雖然無規定係咩食物，不過多數都係蒸物或醃菜之類。
俄羅斯蟹肉燉蛋：燉蛋香滑，而且好有雞味；蟹肉鮮甜，面層用黎點綴o既蟹膏精華更是一絕，既香濃又清甜！
食事（讀音：Shokuji；解釋：主菜）：日文會話中，我地食o既每一餐飯，包括早餐，午餐，下午茶等等，都可稱為「食事」，而喺懷石料理中o既「食事」係指主菜。據友人所講，「食事」通常都係跟飯，好少會跟麵o既，所以今次我地都算有少少返傳統。
秋田縣稻庭烏冬 + 洋蔥天婦羅：食完咁多海鮮，有一碗滑流o既烏冬落肚，真係好舒暢！不過個盤入面最出色o既係個超級乾身o既洋蔥天婦羅，非常香脆爽甜，而且絕不油膩，係ＸＯ仔食過最正o既一款蔬菜天婦羅，黎嵯峨野食飯必吃之選也！
水物（讀音：Mizumono；解釋：甜品，通常都係時令生果，雪糕，或蛋糕）：加拿大車厘子：用冰鎮住上，以確保車厘子入口仍然夠涷。車厘子甜到入心，連唔好生果o既爸爸都五分鐘內食哂，Ｄ冰根本上冇機會溶，絕對推介。
整頓海鮮宴o既食材新鮮，師傅又肯花時間擺靚食物，用不同煮法帶出食物o既香味及質感，令食客o既眼睛，鼻哥，舌頭得以多重享受，食得感動！特別鳴謝：食評中部份有關日本料理o既知識都係小弟一位日籍靚女朋友所提供或核實，所以想值此機會多謝佢一聲：けいちゃん，ありがとう～
Post
