Video
Read full review
2019-04-27
88 views
最近鍾意去特色餐廳 朋友話上環有間滿足到我要求原來門面裝修成印章 x 配匙鋪 像真度💯 內裡卻隱藏餐廳不過想入餐廳要先過關 親切嘅店員會比小提示由開門過程中已經設計驚喜 餐廳嘅用心抵讚懷舊風格裝潢 以孔雀綠及石榴紅色為主坐底先我就先點杯Ni hao you doing 即係你好 x how are you doing 中西合壁以中式花雕陳皮配西式香艾酒琴酒金巴利酒杯用上傳統萬壽無彊杯 夠玩味口感強烈帶點苦澀 香氣濃重滲透草藥味 第一口可能會唔習慣 但越飲越沉迷 朋友喜歡溫口和感嘅In the mood 英倫早餐茶與氈酒作基調 搭上青檸汁 接骨木花及自家製班蘭糖漿酸中有微甜 茶香比酒味突出 容易入口佐酒小食Crispy unagi 以及 Bulgogi pork belly前者係串燒日本鰻魚 鰻魚軟腍不帶腥上層鋪滿香口嘅咸蛋脆粒 一軟一脆 兩者口感成對比後者係韓式香烤五花肉 經過韓式醬料一夜醃製烤完再塗上辣醬於面 入口味道亦辣亦甜紫蘇起提香作用 五花肉外層烤香並帶焦 內層肥美豬腩肉 香軟油脂與結實瘦肉容合小菜我地揀海鮮Soy-marinated shrimp個人覺得比起刺身更似韓式醬油蝦
原來門面裝修成印章 x 配匙鋪 像真度💯 內裡卻隱藏餐廳
不過想入餐廳要先過關 親切嘅店員會比小提示
由開門過程中已經設計驚喜 餐廳嘅用心抵讚
懷舊風格裝潢 以孔雀綠及石榴紅色為主
坐底先我就先點杯Ni hao you doing
即係你好 x how are you doing 中西合壁
以中式花雕陳皮配西式香艾酒琴酒金巴利
酒杯用上傳統萬壽無彊杯 夠玩味
口感強烈帶點苦澀 香氣濃重滲透草藥味
第一口可能會唔習慣 但越飲越沉迷
朋友喜歡溫口和感嘅In the mood
英倫早餐茶與氈酒作基調
搭上青檸汁 接骨木花及自家製班蘭糖漿
酸中有微甜 茶香比酒味突出 容易入口
佐酒小食Crispy unagi 以及 Bulgogi pork belly
前者係串燒日本鰻魚 鰻魚軟腍不帶腥
上層鋪滿香口嘅咸蛋脆粒 一軟一脆 兩者口感成對比
後者係韓式香烤五花肉 經過韓式醬料一夜醃製
烤完再塗上辣醬於面 入口味道亦辣亦甜
紫蘇起提香作用 五花肉外層烤香並帶焦
內層肥美豬腩肉 香軟油脂與結實瘦肉容合
小菜我地揀海鮮Soy-marinated shrimp
個人覺得比起刺身更似韓式醬油蝦
天使紅蝦爽彈 味道鮮甜但又帶豉油嘅咸香
伴上酸子姜 可作清味蕾之用
而Yuba Bolognese完全係驚喜之作
單憑外表估唔到係全素食 更加係gluten-free
肉碎以有肉味但無肉嘅impossible meat而成
扁意粉原來真身係腐皮帶香濃大豆味
薄片而且煙韌 羅勒葉同蕃茄引領香氣
Laska prawn dumpling 喇沙控朋友堅持要點
一改傳統喇沙配粉麵 今次以香脆蒜蓉包作配搭
鮮蝦雲吞與豆卜浸泡於喇沙肉汁之中
偶然散發芫茜香氣 喇沙香而不辣
之後嘅Bone marrow and steak cheung fun
令我被眼睛欺騙誤以為係平平無奇干炒牛河
原來係牛骨髓牛小排肉眼炒腸粉 配上蜆及臘腸
以X.O.醬炒香 微辣極香 腸粉結實入味 味道濃郁
表現出香港風味與西方食材結合
甜品嘅三款選擇中 我地揀Salted egg yolk gai dan zai
賣相精美 盤內所有野都可以食
鮮紅色覆盆子帶微酸作點綴 鹹蛋醬泡沫結合雞蛋仔
咖央與焦糖發揮兩款口味 徘徊咸和甜之間
對味蕾作最後衝擊
大膽又創新嘅組合 令我對fusion菜有更多體會
感受到餐廳不論裝修以至食材選用都精心設計
如果有外國朋友到港一遊 我絕對會帶佢地去磅太太感受一下
Post
