餃掂手工餃子雲吞專門店

之前喺灣仔食過餃掂, 都幾好食！最近佢喺將軍澳新都城開分店, 同屋企人行完商場就去幫襯下！蜜餞雞翼每次都必點嘅小食, 先用鹵水煮熟雞翼, 再用蜜糖撈勻, 外甜內鹹, 肉質嫩滑唔黐骨！黃金原味皮蛋晶瑩剔透, 金黃色賣相好特別, 食落口感同傳統皮蛋差不多, 但味道冇咁濃烈！松茸素餃建議食煎餃, 外皮鬆脆, 松茸受熱煎香, 濃沃香味零舍突出！芫茜餃鍾意食芫茜就要試下, 餡料係新鮮豬肉, 好嫩滑多汁, 醮點陳醋嚟食, 真係夾得啱啱好！雲吞麵小雲吞一口一隻, 皮薄足料, 麵條煙韌軟熟, 清湯湯底略帶微酸醋味道, 效果唔錯, 食落唔會有飽飽滯滯感覺！