Video
Read full review
2024-11-13
115 views
完個個大Project, 要同D同事去食下好西, 大家都鐘意食海鮮, 西貢係不二之選, 見到碼頭果度好多間, 不過無價錢, 唔係好敢亂入, 最後係街尾果頭見到一間叫六福, 個4人餐明碼實價, D野都岩食, 就呢間啦！小菜椒鹽奇脆豆腐好大一舊，好滑，豆腐被炸到金黃色，外皮脆漿厚度適中，外脆內軟，豆腐好有豆香。天婦羅桶蠔生菜包我本身只食生蠔， 熟蠔真係好少食， 呢個仲要手掌咁大隻，真係唔覺會有幾好食，不過食過之後， 有少少愛上左，皮夠香唔原唔油，蠔身肥味唔會一陣腥味，包住塊生菜食絕對係畫龍點精，簿簿一塊生菜減少熱氣感覺又唔同搶左淡淡蠔味。絕對會因為呢個蠔而黎多次。椒鹽焗南非鮑魚同樣係個脆皮夠脆又野味，脆皮真係好簿， 鮑魚好軟林一D都唔銀。慢慢一片片切黎食，慢慢嘆。芝士開邊龍蝦（炒飯）待應哥哥提議我地轉炒飯，保證好食，我地見佢咁有信心而且出面都好少有炒飯底， 就試下。又估唔到幾夾喎，飯炒得好香，畢起一匙撩起左D飯之後陣香氣係勇出黎。龍蝦鮮味厚實爽肉不在話下，芝士唔會太濃味食到龍蝦鮮味同炒飯飯香。最後係淨返Ｄ龍蝦但清哂Ｄ飯。哈哈薑蔥炒蟶子皇好夠鑊氣，薑蔥好野味，蟶子肉厚實粗身，大家都知炒蟶子肉
小菜椒鹽奇脆豆腐
好大一舊，好滑，豆腐被炸到金黃色，外皮脆漿厚度適中，外脆內軟，豆腐好有豆香。
天婦羅桶蠔生菜包
我本身只食生蠔， 熟蠔真係好少食， 呢個仲要手掌咁大隻，真係唔覺會有幾好食，不過食過之後， 有少少愛上左，皮夠香唔原唔油，蠔身肥味唔會一陣腥味，包住塊生菜食絕對係畫龍點精，簿簿一塊生菜減少熱氣感覺又唔同搶左淡淡蠔味。絕對會因為呢個蠔而黎多次。
椒鹽焗南非鮑魚
同樣係個脆皮夠脆又野味，脆皮真係好簿， 鮑魚好軟林一D都唔銀。慢慢一片片切黎食，慢慢嘆。
芝士開邊龍蝦（炒飯）
待應哥哥提議我地轉炒飯，保證好食，我地見佢咁有信心而且出面都好少有炒飯底， 就試下。又估唔到幾夾喎，飯炒得好香，畢起一匙撩起左D飯之後陣香氣係勇出黎。龍蝦鮮味厚實爽肉不在話下，芝士唔會太濃味食到龍蝦鮮味同炒飯飯香。最後係淨返Ｄ龍蝦但清哂Ｄ飯。哈哈
薑蔥炒蟶子皇
好夠鑊氣，薑蔥好野味，蟶子肉厚實粗身，大家都知炒蟶子肉就真係唔多，大家每人夾一兩下就無咩淨，好快可以收碟，但今次大家都留住碟薑蔥慢慢食。
鮮菠蘿生炒骨
正常發揮，皮脆， 肉帶少少肥肉唔會太鞋口，酸甜汁偏甜DＤ，岩我個人口味。
最後個甜品都有小驚喜，係泰國姨姨整既椰青大菜糕，好清甜，話飽但又係食哂。
Post
