荼香 (Closed)

一到門口就覺得餐廳裝修得幾靚幾decent.門口有個打卡位，入到去有半層樓上位，都幾靚。同朋友食lunch 被安排坐係角落位，但有落地玻璃睇街境，有啲自然光，影相好睇啲，又坐得幾舒服。餐廳服務唔錯，可以揀有氣水/普通水，同朋友吹左陣水，到我地差唔多準備起行都會照樣斟水俾我地，完全冇趕客feel，好nice。我地個日食lunch, 主菜一個叫左豬，一個叫左牛，前菜有兩款，我地就一人叫左一款share。啲前菜都幾好食，蔬果新鮮可口，餐湯係蜆湯，味道鮮甜，一啲都唔hea，仲有好多蜆肉。主菜份量比較少，如果好肚餓可能叫意粉個啲比較好。朋友個牛扒叫左5成熟，我都有試左少少，朋友覺得好好食，但我自己就覺得普通，不過個啲配菜我就覺得好好食🤣🤣，我真係勁鐘意食配菜。我個個豬肉都唔錯，但如果可以多幾舊就好啦，分左舊比朋友已經所淨無幾😂😂Overall 感覺唔錯，坐得舒服，服務又好，食物唔差，如果要約朋友出嚟chill下，或者搵人傾下野，呢度都係唔錯嘅選擇。