老虎堂黑糖專売 (T.O.P This is Our Place)

Open Now

Now Closed

食完海底撈，諗住行去旺角東搭車，路過T.O.P咁岩見到老虎堂，又唔多人排隊，行下行下又口渴，一於決定買返杯黎飲。個個都知，係老虎堂梗係要飲最出名既黑糖鮮奶啦。 配料可以揀珍珠或者波霸，珍珠係細粒既粉圓，波霸係大粒既粉圓，兩種粉圓口感上都有好大分別。我地想一次過食曬兩種不同口感，所以我地叫左2杯虎虎生風厚鮮奶(奶霜)，甜度同冰度都係固定左，唔可以改。等左5分鐘就有得拎，真係好快。一拎上手，虎紋效果好靚，即刻影返幅相打下卡先。黑糖唔會過甜，因為加左大量冰塊去中和黑糖既甜味。但有個缺點就係飲到最後會變得好淡，所以整體感覺唔平衡，唔會由頭飲到落尾同一品質。 質素一般，係香港未必會再考慮老虎堂。