Ideas Dessert (Closed)

呢間野位於小妹屋企附近，吾系住呢區既人要搵呢間小店系有難度😂 因為佢並吾近荃灣市中心。雖然話呢間甜品店好近小妹，但直到今晚先系小妹第一次食🙈🙈同兩個朋友系附近食完飯之後就過黎食糖水啦～呢個系小妹叫既 #寶石森林 🍵 （$46）主要系牛奶同抹茶雪糕兩溝，配料有焙茶同抹茶啫喱、抹茶脆餅、紅豆同埋脆粒。雪糕軟滑，抹茶味夠濃，不過牛奶果邊覺得甜左少少。焙茶啫喱幾出色，有回甘😍 要彈下既系...最底既紅豆好甜🤔🤔🤔🤔朋友叫既楊貴妃（$34）入面包括左楊枝汁、芒果啫喱/布丁、水晶珠、芒果粒、小丸子、椰果同雪糕，都幾足料。芒果肉幾多，而且大大粒。丸子細細粒幾煙韌，西米用既系大粒既款式，軟硬適中。不過朋友話個甜品整體甜左d....呢個榛子香蕉列日窩夫（$46）都系朋友叫既，面頭系3.6牛奶軟雪糕，咁上面都有提及過個雪糕系偏甜。窩夫份量夠大，富蛋香，吾錯。根據朋友形容，佢話整體個甜品都系偏甜。小妹認為佢呢度既抹茶甜品都好似幾出色咁，遲下要黎試埋其他抹茶野！😍😍