佳佳甜品 (Moved) New Location

今晚同親朋戚友係父母的屋企食飯，因為有老人家及小朋友，所以六點鐘就開飯未到八點已經食完返屋企。傾埋計大約九點鐘離開。返到屋企正準備泊車嘅時候，女朋友同我講佢自己其實未食飽，以一向九點鐘先食晚飯嘅我都有點兒感覺到肚餓，所以我哋兩個決定出去食糖水。女朋友同我講話想食湯圓，我就馬上諗起出名食湯圓及傳統糖水嘅佳佳甜品。女朋友點在一份薑汁湯圓，我通常就會點合桃露或者芝麻糊，但因為天氣熱決定點一份凍嘅甜品食，向來鍾意食有芒果甜品嘅我，一見到佢哋有楊枝甘露就二話不說叫咗一份試一試。薑汁湯圓，薑汁味又香又辣,又唔太甜，芝麻湯圓皮薄涵多，啲芝麻涵又好香又好味。楊枝甘露，酸甜味比例啱啱好，芒果茸很多，芒果粒也不少，細細碗嘅楊枝甘露我估都應該需要兩個芒果去打汁及起肉。