樂糖 (Closed)

啲人話女人有兩個胃，真嫁，食到幾飽都好，都會食得落甜品，哈哈樂，糖，Joyful. 見到個名都開心餐廳佈置夢幻，好多波波係天花好多花茶擺左係到，美觀又實用水信玄餅， 我選擇咗玫瑰蜜桃味好靚呀，好唔捨得食，但好想食... 老闆娘話玫瑰都食得，我唔客氣啦切開淡淡玫瑰味，而且帶有蜜桃嘅甜味。 食落去，嗰隻玫瑰味唔似糖漿整出黎，而係真係用玫瑰花辦煮出黎既味道，味道天然。 再配雲呢拿雪糕。 食完甜品仲有杯玫瑰花茶。 唔錯，口感一軟一硬再配熱茶，完美配搭。玫瑰花茶都係用新鮮玫瑰去沖，而且落足本，哈哈心太軟, 同出面心太軟唔同嘅係，出面用朱古力包住朱古力流心餡。 而呢到係用芝麻包住芝麻加豆腐餡，切開就流出芝麻同埋豆腐嘅餡料，豆腐香又滑，芝麻味濃。另一個唔錯既配搭。