一輪 (一門町市場)

見新開就嚟幫襯下，平時啲人講嘅劣食都食得落，自問冇咩要求，以為唔會中伏點知好伏。飯唔熱又硬到食唔落只夾硬食到半碗，完全浪費咗啲日本米；湯微温完全唔夠熱，湯入面豆腐有怪味；漢堡扒非常普通，唔似和牛冇牛味唔juicy，汁亦冇咩特別，辣蕃茄汁唔夠辣，芝士汁味唔夠濃；唯一可取係隻蛋叫正常。Menu得3 款嘢揀，3 款其實分別不大，嚴格嚟講其實係冇嘢揀。可能因為新開，食物選擇奇少。埋單一百零幾蚊一個人，完全唔值。