孔夫子 (Club East洞天) (Closed)

晚餐時間孔夫子都坐滿人，所以來之前最好預訂位置。因為每個菜的份量都唔少，所以4-6個人來食是最好。聽日講呢間評價好高，中菜十分出名，尤其黑毛豬叉燒。黑毛豬叉燒叉燒口感嫩軟，醬汁剛剛好，好香，值得ENCORE。艷影蝦球薄薄一層炸粉，蝦肉彈牙，檸檬在底，有酸酸甜甜的味道，好好食。南乳酥皮茄子呢個配合幾特別，係用南乳醬配炸茄子，又係炸得好鬆脆，好食。米皇准山浸時蔬清新口味，有D米粒係度幾香口。鮮雜果拿破崙 呢個一定要提早預訂，百幾蚊好大件，咁多層水果，好好食。食物好好食，美中不足是服務，叫左好耐職員加水或埋單，都等左好耐冇人理。而且有時隔離枱會有食煲仔，經理會現場做，令到環境有時都幾大煙。