娘娘喫茶 (Closed)

必須支持本土小店！炮台山地鐵站附近近酒店位置有間好醒目既水果茶店。娘娘要飲茶既熱情，係無人可以阻止架！店名好得意，讀音為娘娘“吃”茶，吃古字就係喫，有趣有趣！店鋪細細，但其實款式多元化，新開張期間仲有5蚊優惠。天時暑熱，梗係要整翻被透心涼既娘娘招牌水果茶（$38）消暑啦！茶底係靚綠茶，加左西瓜、橙、青檸、火龍果熱情果粒粒，口感非常清新，酸酸甜甜好解渴呢~以本娘娘飲茶經驗，呢間小店絕對係用料足，絕對唔係省住用個D，抵讚！有圖有真相，係咪好足料先！Menu其實都算多元化，減價後都係20幾蚊，屬於十分經濟實惠。朋友就叫左熱情芒芒（$38），飲得出新鮮芒果無落添加劑/糖水/香精，上層芝士係Anchor打出黎既芝士口感好厚實，飲完好滿足。如果想清清地，都可以試下茉莉綠茶，同樣感受到好fresh既茶味。好得意既墻身裝飾！綠油油的望落好舒服，正好可以放鬆下。小店最貼心的地方，就係可以同店員傾下計，選擇困難症可以幫到你哈哈！少甜少冰都可以要求架！