Burger Bar (Closed)

今日一個人去左中環食飯，假期開始啦，想輕鬆一下。本身一個人想去間cafe輕鬆下，點知我想去果間已經full哂睇黎要等好耐，之後我就去左一間餐廳食burger啦！餐廳位置唔算好旺場，寧靜中帶點休閒，聽聞最近都非常人氣呀！Burger Bar環境唔大反而好有外國風味！我叫左一個牛魔王漢堡！足足有兩塊厚厚burger steak，肉汁非常豐富，加上餐廳自家製醬汁，香甜非常惹味，有蕃茄、生菜、炒洋蔥，我仲另外加左一隻炒蛋！咬入口仲有蛋漿呀！非常高既burger我一啖都咬唔哂！餐廳非常細心供應手套，岩哂怕污糟又想食burger既朋友啦！先煎脆既麵包都係我欣賞既地方！我叫左一枝啤酒，輕輕焦糖香好岩我口味，麥芽味道唔會太重，酒味輕輕，女仔好岩飲！下次會同一班朋友我會再黎架！