Video
Read full review
2020-11-02
452 views
我唔係第一次幫襯「茶聊」，之前週末嚟食要排隊等位，心諗樓上Cafe仔有乜咁巴閉，但食完之後發現啲食物又真係幾好食喎🙈。呢日就帶咗朋友嚟食晏，Try try～。平日嘅中午時份，餐廳仍保持高人氣👏，有機會要等陣位先入得。客人先入座，然後再出去收銀處落單俾錢，店員其後就會將食物送上。⚠️客人要記住枱號先好行出去落單呀！午市套餐選擇頗多的，有飯麵同扒揀，同時，亦有包類、全日早餐、沙律同小食等。價錢由$78至$178不等，最貴嘅項目係龍蝦包，都合理嘅。另外，當然唔少得飲品Menu🥤。午餐附送餐湯，呢日係蕃茄湯🍅，對我嚟講有點兒太酸。藜麥大蝦牛油果沙津配百香果汁($108)，我朋友係一定要食沙律嗰啲人嚟。🥗沙律份量幾多，菜菜新鮮，🦐蝦就有四大隻！我最欣賞嘅地方係百香果汁好開胃，甜甜哋又酸酸哋，絕對好過重口味嘅黑醋汁。白酒煮蜆配意粉($98)，第一眼望到碟意粉心諗啲蜆去咗邊呢👀？原來蜆肉沉歸底，被意粉蓋住哂，雖然蜆唔大隻，但勝在新鮮。🍝主角意粉好好食😋，質感彈牙有嚼勁，而且每條分明，無漿埋一餅嘢，另外仲配埋三色椒絲增加口感。🍾白酒汁唔算好濃酒味，反而蒜味幾出，令意粉有啲似Aglio e Olio。由於
我唔係第一次幫襯「茶聊」，之前週末嚟食要排隊等位，心諗樓上Cafe仔有乜咁巴閉，但食完之後發現啲食物又真係幾好食喎🙈。呢日就帶咗朋友嚟食晏，Try try～。
平日嘅中午時份，餐廳仍保持高人氣👏，有機會要等陣位先入得。客人先入座，然後再出去收銀處落單俾錢，店員其後就會將食物送上。⚠️客人要記住枱號先好行出去落單呀！
午市套餐選擇頗多的，有飯麵同扒揀，同時，亦有包類、全日早餐、沙律同小食等。價錢由$78至$178不等，最貴嘅項目係龍蝦包，都合理嘅。另外，當然唔少得飲品Menu🥤。
蕃茄湯
10 views
0 likes
0 comments
藜麥大蝦牛油果沙津配百香果汁($108)，我朋友係一定要食沙律嗰啲人嚟。🥗沙律份量幾多，菜菜新鮮，🦐蝦就有四大隻！我最欣賞嘅地方係百香果汁好開胃，甜甜哋又酸酸哋，絕對好過重口味嘅黑醋汁。
白酒煮蜆配意粉
$98
13 views
0 likes
0 comments
白酒煮蜆配意粉($98)，第一眼望到碟意粉心諗啲蜆去咗邊呢👀？原來蜆肉沉歸底，被意粉蓋住哂，雖然蜆唔大隻，但勝在新鮮。🍝主角意粉好好食😋，質感彈牙有嚼勁，而且每條分明，無漿埋一餅嘢，另外仲配埋三色椒絲增加口感。🍾白酒汁唔算好濃酒味，反而蒜味幾出，令意粉有啲似Aglio e Olio。由於意粉好食，所以略嫌份量爭少少，多1/4就好。
有機10穀飯配煙三文魚蕃茄忌廉汁
$88
6 views
0 likes
0 comments
有機10穀飯配煙三文魚蕃茄忌廉汁($88)，呢碟飯畀我嘅第一個感覺係好健康，第二就係賣相吸引😍，面頭嘅煙三文魚砌成朵玫瑰花🌹。除咗面頭有三文魚之外，飯入面亦加入咗煮熟嘅煙三文魚塊。🍚十穀飯嘅口感十足，幾特別，我覺得似食緊豆多過飯，哈哈。份量好多，一定夠飽，不妨一試。
髒髒黑糖珍珠鮮奶
9 views
0 likes
0 comments
總括嚟講，茶聊咁受歡迎係有原因，食物素質令人滿意。雖然呢度係自助落單，但店員們整體服務唔錯，有禮貌又夠主動👍。環境方面，門口走廊處有落地玻璃同打卡位，啱哂一眾靚女們影相。餐廳位置方便，嚟食嘢、或者歇下腳、飲杯茶、聊一聊亦得，得咗😆。
Post
