Mokumoku Yakiton (永光商業大廈)

Open Now

Now Closed

來到今天星期中，工作辛苦都需要打打氣，約咗朋友銅鑼灣飲番杯傾下偈。Sogo附近永光中心7/F《Mokumoku Yakiton》鳥居串燒，好適合坐低一路傾一路食。店內環境日式居酒屋設計，木系裝修，感覺是神去咗日本旅行。蒜子蕃茄沙津~醬汁調教得好好，番茄唔會酸，入口清甜，好醒胃。漬牛蒡~牛蒡漬物纖維豐富好有益好健康。刺身三點(帶子、赤蝦、三文魚)~各款刺身都好新鮮，赤蝦滑捋捋，帶子夠爽口，三文魚也清甜。串燒日本青椒仔~好新鮮好爽口。串燒豬肩肉~西班牙黑豚肩肉串，肉質嫩滑。串燒豬顎骨肉~呢個部位比較特別，唔係周圍可以食到，肉汁豐富，有口感得來唔韌嘅。原條燒魷魚~鋪滿櫻花蝦好香口，烤得啱啱好，一咬即開好入味。豬大腸串~邪惡之選，肉汁非常豐富，久不久都要攻縱一下，好正！豬耳芝士串~送酒之選，豬耳好爽口，鈣質豐富，配合芝士烤香，味道好吸引。越坐越夜越多人，大家都鍾意手持一杯飲住傾，手執一串食住談。