海港酒家

Open Now

Now Closed

自從試過食圍菜漏咗一道菜，唔認兼無禮貌，再無幫襯過。好少响假日飲茶，星期日叔叔來訪，因為 VCITY 〝八月〞 實在太多人等位嘞，同佢去卓爾居飲茶，得返一間海港，所以再俾一次機會佢啦。3個人叫咗幾樣點心和小食滷水豬腳仔，睇起來顏色唔深卻入味。豬腳仔皮脆爽中帶滑，唔會過腍，叔叔幾鍾意食。黑金流沙包外表好得意，黑炆炆外表掃上一抹金色，好似即刻高貴咗，將個包搣開，如流金般的奶黃餡，幾靚，味道唔錯。鮮蝦豆苗餃，健康之饌，皮薄，餡料嘅菜唔係豆苗，食味OK啦。健康布拉腸，有米香，唔油算滑，幾好食嘅。點心拼盤整體可以唔差嘅。